Author

Mouriya R

ஏறக்குறைய அதே போல செயல்படும் கடன் ஃபண்ட் முதலீடு பற்றி நம்மில் பலருக்கும் தெரிவதில்லை. உண்மையில், வங்கி அல்லது அஞ்சலக ஃபிக்ஸட் டெபாசிட் திட்டத்திற்கும் கடன் ஃபண்ட் திட்டங்களுக்கும் இடையே என்ன வித்தியாசம் என்பதைப் புரிந்துகொண்டால், எதில் அதிக லாபம் கிடைக்கும், எதில் நம் பணத்தை வைத்துக்கொள்ளலாம் என்பது பற்றி முடிவு செய்ய உதவியாக இருக்கும்!ஃபிக்ஸட் டெபாசிட்... சேமிப்புக் கணக்கு வைத்திருக்கும் வங்கியில் ஃபிக்ஸட் டெபாசிட் கணக்கை உடனே தொடங்கிவிடலாம். தற்போதைய நிலையில், ஓராண்டுக்கு மேற்பட்ட வங்கி ஃபிக்ஸட் டெபாசிட்டுகளுக்கு 7% - 7.5% வட்டி வழங்கப்படுகிறது. இதில் உள்ள பணத்தை முன்கூட்டியே எடுக்க வேண்டும் எனில், சிறிதளவு அபராதம் கட்ட வேண்டி இருக்கும்.கடன் ஃபண்ட் திட்டங்கள்... ஃபிக்ஸட் டெபாசிட்டுகளுக்கு மாற்றாக, கடன் சந்தை சார்ந்த மியூச்சுவல் ஃபண்ட் (Debt Mutual Funds) திட்டங்கள் உள்ளன. வங்கிக் கணக்கு வைத்திருந்து கே.ஒய்.சி நிறைவு செய்த யார் வேண்டுமானாலும் கடன் சந்தை சார்ந்த மியூச்சுவல் ஃபண்ட் திட்டங்களில் முதலீடு செய்யலாம். கடன் ஃபண்ட் திட்டங்களில் எஸ்.ஐ.பி முறையில் மாதந்தோறும் குறிப்பிட்ட அளவு பணத்தை சேர்த்து வரலாம். கடன் ஃபண்ட் திட்டங்களில் சேர்த்த பணத்தை எப்போது வேண்டுமானாலும் திரும்ப எடுக்கலாம். இதற்கு அபராதம் எதுவும் விதிக்கப்படாது. ஆனால், ஓராண்டுக்குள் திரும்ப எடுத்தால், வெளியேறும் கட்டணம் (Exit Load) செலுத்த வேண்டி இருக்கும்!நிறைய வரி மிச்சமாகும்... உதாரணமாக, ஒருவர் ரூ. 1 லட்சத்தை ஃபிக்ஸட் டெபாசிட் முதலீடு செய்திருக்கிறார். அதற்கு 7% வட்டி கிடைத்தால், அவருக்கு ஓராண்டில் ரூ. 7,000 வட்டி கிடைக்கும். அவர் 30% வருமான வரி வரம்பில் வந்தால் ரூ. 2,100 வரி கட்ட வேண்டி வரும். இதுவே அவர் இன்னொரு ரூ. 1 லட்சத்தை லிக்விட் ஃபண்ட் திட்டங்களில் முதலீடு செய்திருக்கிறார், அவருக்கு ரூ.10 மதிப்பு கொண்ட ரூ.10,000 யூனிட்டுகள் கிடைக்கிறது. இந்த முதலீட்டுக்கு ஆண்டுக்கு 7% வருமானம் கிடைத்திருக்கிறது என வைத்துக் கொள்வோம். இவரும் 30% வரி வரம்பில் வந்தால், அவர் மூலதன ஆதாயத்துக்கு மட்டும் 30% வரி கட்ட வேண்டும். யூனிட் மதிப்பு ரூ. 10-லிருந்து ரூ.10.7- ஆக அதிகரித்துள்ள நிலையில் ரூ.7,500 மதிப்புள்ள 701 யூனிட்களை விற்கிறார். இந்த யூனிட்களை வாங்கிய விலை ரூ. 7,010 ஆகும். இங்கே மூலதன ஆதாயம் ரூ. 490 ஆகும். இதற்கு 30% அதாவது ரூ. 147 வரி கட்ட வேண்டும். ஃபிக்ஸட் டெபாசிட்டில் ரூ.2,100 வருமான வரிக் கட்டும் நிலையில் கடன் ஃபண்டுகளில் ரூ.147 தான் வரிக் கட்ட வேண்டி வரும். வருமான வரிக்குப் பிந்தைய நிலையில், ஃபிக்ஸட் டெபாசிட்டைவிட கடன் ஃபண்டுகள் அதிகம் லாபம் தருவதாக உள்ளன.வரி எவ்வளவு...? தற்போதைய நிலையில், ஃபிக்ஸட் டெபாசிட் வட்டி வருமானத்துக்கு ஒருவர் எந்த வருமான வரி வரம்பில் வருகிறாரோ, அதற்கேற்ப வரியைக் கட்ட வேண்டும். அதே போல, கடன் ஃபண்ட் லாபத்துக்கும் வருமான வரியைக் கட்ட வேண்டும். அதாவது, வருமான வரி விதிப்பில் ஃபிக்ஸட் டெபாசிட்டுகளுக்கும் கடன் ஃபண்டுகளுக்கும் வேறுபாடு இல்லை. முதலீட்டுக் காலம் எதுவாக இருந்தாலும் அடிப்படை வருமான வரி வரம்புக்கேற்ப (பழைய வரி முறையில் 5%, 20% மற்றும் 30% புதிய வரி முறையில் 5%, 10%, 15%, 20% மற்றும் 30%) பிக்ஸட் டெபாசிட் மற்றும் கடன் ஃபண்டில் வருமான வரியைக் கட்ட வேண்டும். இருந்தாலும், ஃபிக்ஸட் டெபாசிட்டுகளைவிட கடன் ஃபண்டுகள் லாபகரமாக இருக்கின்றன.

ஃபிக்ஸட் டெபாசிட், கடன் ஃபண்டுகள் - எதில் அதிக லாபம் கிடைக்கும்?

Resource

என்.ஆர்.ஐ-க்கள் அவர்களின் என்.ஆர்.இ அல்லது என்.ஆர்.ஓ கணக்குகளின் மூலம் இப்படி முதலீடு செய்ய முடியும். வெளிநாடுகளில் வசிக்கும் பல லட்சம் இந்தியர்கள் இப்போது இந்தியாவில் பங்குச் சந்தை மற்றும் கடன் சார்ந்த ஃபண்டுகளில் முதலீடு செய்து வருவதன் மூலம் நல்ல லாபம் அடைந்து வருகின்றனர்.இதற்கான வசதியை இந்தியாவில் உள்ள பல மியூச்சுவல் ஃபண்ட் நிறுவனம் செய்து தருகின்றன. எந்தெந்த மியூச்சுவல் ஃபண்ட் நிறுவனங்கள் எந்தெந்த நாடுகளில் இருக்கும் என்.ஆர்.ஐ முதலீட்டாளர்களுக்கு இந்த வசதியைத் தருகின்றன என்பதைத் தெரிந்துகொண்டு, முதலீட்டைத் தொடங்குவது நல்லது.உதாரணமாக, அமெரிக்கா மற்றும் கனடாவில் வசிக்கும் இந்தியர்களுக்கு இந்தியாவில் முதலீடு செய்ய உதவும் சில மியூச்சுவல் ஃபண்ட் நிறுவனங்களின் பட்டியல் இதோ...1. ஆதித்ய பிர்லா சன்லைப் ஃமியூச்சுவல் ஃபண்ட் நிறுவனம்2. எஸ்.பி.ஐ மியூச்சுவல் ஃபண்ட் நிறுவனம்3. யு.டி.ஐ மியூச்சுவல் ஃபண்ட் நிறுவனம்4. ஐ.சி.ஐ.சி.ஐ ஃபுரூடென்ஷியல் மியூச்சுவல் ஃபண்ட் நிறுவனம்5. டாடா மியூச்சுவல் ஃபண்ட் நிறுவனம்6. பாரேக் பரிக் மியூச்சுவல் ஃபண்ட் நிறுவனம்7. சுந்தரம் மியூச்சுவல் ஃபண்ட் நிறுவனம்8. நிப்பான் இந்தியா மியூச்சுவல் ஃபண்ட் நிறுவனம்

வெளிநாடு வாழ் இந்தியர்கள் மியூச்சுவல் ஃபண்ட் முதலீடு செய்யமுடியுமா

ஆனால், அந்த முதலீட்டிலிருந்து எப்போது வெளியேற வேண்டும் என்பது குறித்து நன்கு தெரிந்துவைத்திருக்க வேண்டும். மியூச்சுவல் ஃபண்ட் திட்டங்களில் இருந்து எப்போது வெளியேறலாம்?அவசரச் செலவுக்குப் பணம் தேவைப்பட்டால்... ஒருவருக்குத் திடீரென எதிர்பாராத வகையில், மருத்துவச் செலவு, குடும்பச் செலவு போன்ற அவசரச் செலவுகள் எப்போது வேண்டுமானாலும் வரலாம். அப்படி வரும்பட்சத்தில், மியூச்சுவல் ஃபண்ட் முதலீட்டில் இருக்கும் பணத்தை எடுத்துப் பயன்படுத்திக் கொள்ளலாம். இப்படி பணம் எடுக்கும்போது, முதலீட்டில் இருக்கும் அனைத்துப் பணத்தையும் எடுக்க வேண்டும் என்கிற அவசியம் இல்லை. தேவைப்படும் அளவுக்கான பணத்தை மட்டும் எடுத்துக்கொள்ளும் வசதி மியூச்சுவல் ஃபண்ட் முதலீட்டில் இருக்கிறது. அவசரத் தேவைக்கான பணத்தைப் பங்குச் சந்தை சார்ந்த ஃபண்ட் திட்டங்களில் வைத்திருக்காமல், லிக்விட் ஃபண்டுகளில் வைத்திருப்பது நல்லது. சில ஃபண்ட் திட்டங்களில் பணத்தை உடனடியாகத் திரும்ப எடுக்க ஏ.டி.எம் கார்டு வசதியும் உண்டு. பொதுவாக, உங்கள் முதலீட்டில் உள்ள பணத்தைத் திரும்ப எடுக்க நினைத்தால், ஒன்றிரண்டு, நாள்களுக்குள் உங்கள் வங்கிக் கணக்குக்குப் பணம் வந்து சேர்ந்துவிடும்.தொடர்ச்சியாகப் பணம் தேவைப்பட்டால்... திடீர் வேலை இழப்பு அல்லது ஓய்வு பெற்றபின் உங்களுக்குத் தொடர்ச்சியாகப் பணம் தேவைப்படும்பட்சத்தில், மியூச்சுவல் ஃபண்டில் நீங்கள் செய்த முதலீட்டில் இருக்கும் பணத்தைத் திரும்ப எடுக்கலாம். இப்படித் திரும்ப எடுக்கும் பணத்தை ஒரு முறை மொத்தமாகவும் எடுக்கலாம். அல்லது, மாதந்தோறும் இவ்வளவு என்கிற பணம் என்கிற வகையில் குறிப்பிட்ட அளவிலும் பணத்தை எடுக்கலாம். இப்படி மாதந்தோறும் குறிப்பிட்ட அளவு பணத்தைத் திரும்ப எடுப்பதற்கு எஸ்.டபிள்யு.பி (SWP - Systematic Withdrawal Plan) என்று பெயர்.அடையவேண்டிய இலக்குத் தொகையை அடைந்துவிட்டால்... மியூச்சுவல் ஃபண்ட் முதலீட்டில் முதலீட்டைத் தொடங்குவதன் நோக்கமே நம் எதிர்கால நிதி இலக்குகளை (Financial Goal) சரியான முறை அடைய வேண்டும் என்பதற்காகத்தான். நம் எதிர்கால இலக்கிற்கான பணத்தை நாம் சேர்த்துவிட்டால், அந்தப் பணத்தை எடுத்து, ரிஸ்க் இல்லாத வேறொரு ஃபண்டில் பாதுகாப்பாக வைத்திருப்பது அவசியம். உதாரணமாக, ரிஸ்க் மிகுந்த பங்குச் சந்தை சார்ந்த ஃபண்ட் திட்டத்தில் நீங்கள் பணம் வைத்திருந்தால், இலக்கை அடைந்தபின் உங்கள் பணத்தை எடுத்து, கடன் சந்தை அல்லது வங்கி ஃபிக்ஸட் டெபாசிட்டில் வைத்திருப்பது நல்லது!ஃபண்ட் திட்டம் மிக மோசமாக செயல்படும்போது... சில சமயம், சில கடன் ஃபண்ட் திட்டங்கள் மிக மோசமாக செயல்பட வாய்ப்பு உள்ளன. நிதி மேலாளரின் மோசமான செயல்பாடு இதற்கு ஒரு காரணமாக இருக்கலாம். அப்படி இருக்கும்பட்சத்தில் அந்த ஃபண்ட் திட்டத்தில் இருக்கும் பணத்தைத் திரும்ப எடுத்து, நன்கு செயல்படும் ஃபண்ட் திட்டத்தில் மீண்டும் முதலீடு செய்யலாம்!

மியூச்சுவல் ஃபண்ட் திட்டங்களில் இருந்து எப்போது வெளியேற வேண்டும்?

வருமானம் வரியை சேமிக்க நினைக்கும்போது, தவறான திட்டங்களில் நம் பணத்தை முதலீடு செய்யக் கூடாது. குறிப்பாக, ஆயுள் காப்பீடு போன்ற இன்ஷுரன்ஸ் திட்டங்களில் முதலீடு செய்யவே கூடாது. ஆயுள் காப்பீடு என்பது குடும்பத்திற்கான பாதுகாப்பே தவிர, அது வருமான வரி சேமிப்புக்கான சரியான முதலீட்டுத் திட்டம் அல்ல.வருமான வரிக் கணக்குத் தாக்கலில் இன்றைக்கு இரண்டு விதமான முறைகள் உள்ளன. ஒன்று, பழைய வருமான வரித் தாக்கல் முறை. இரண்டாவது, புதிய வருமான வரித் தாக்கல் முறை. பழைய வருமான வரி முறையைப் பின்பற்றுபவர்களில் பலரும் இ.எல்.எஸ்.எஸ் (ELSS - Equity Linked Savings Scheme) மியூச்சுவல் ஃபண்ட் திட்டங் களில் முதலீடு செய்து வருகின்றனர். இதன் மூலம் வருமான வரியை மிச்சப் படுத்தும் அதே நேரத்தில் கணிசமான லாபத்தையும் பெற்று வருகிறார்கள்.ஆனால், இ.எல்.எஸ்.எஸ் சேமிப்புத் திட்டங்களில் முதலீடு செய்துவரும் வேளையில், முதலீட்டாளர்கள் செய்யும் சில தவறுகளால் கணிசமான லாபத்தையும் இழக்கின்றனர். இ.எல்.எஸ்.எஸ் திட்டங்களில் முதலீடு செய்யும்போது செய்யக்கூடாத 5 தவறுகளை இனி பார்ப்போம்.தவறு 1: நிதி ஆண்டின் இறுதியில் முதலீடு செய்வது கூடாது...வருமான வரி முதலீட்டுக்கான ஆதாரத்தை ஆண்டு இறுதியில்தானே தரப் போகிறோம் எனப் பலரும் மார்ச் மாத நடுவில் அல்லது இறுதி வாரத்தில்தான் இ.எல்.எஸ்.எஸ் முதலீடு செய்கிறார்கள். இப்படிச் செய்வது மூலம் வருமானத்தில் குறைவு ஏற்பட வாய்ப்புள்ளது. இ.எல்.எஸ்.எஸ் மியூச் சுவல் ஃபண்ட் திட்டத்தில், முதலீட் டாளர்களிடமிருந்து திரட்டப்படும் பணம் முழுவதும் பங்குச் சந்தையில் முதலீடு செய்யப்படும். ஆண்டு இறுதியில் பங்குச் சந்தை உச்சத்தில் இருக்கும் நிலையில் முதலீடு செய்தால், குறைவான யூனிட்டுகளே கிடைக்கும். சந்தை உச்சத்தில் இருந்து திடீரென இறங்கினால், அது மீண்டும் லாபத்துக்கு வர அதிக காலம் வரும். இந்த ரிஸ்க்கைக் குறைக்க நிதி ஆண்டு ஆரம்பம் முதலே எஸ்.ஐ.பி முறையில் மாதம்தோறும் முதலீடு செய்ய வேண்டும்.தவறு 2: மொத்தமாக முதலீடு செய்வது கூடாது…இ.எல்.எஸ்.எஸ் ஃபண்டில் மொத்த முதலீட்டைத் தவிர்ப்பது நல்லது. மொத்த முதலீட்டுக்குப் பதில் எஸ்.ஐ.பி முறையில் தொடர்ந்து முதலீடு செய்து வரும்பட்சத்தில் பங்குச் சந்தையின் ஏற்ற இறக்கத்தில் அதிக யூனிட்டுகள் கிடைக்கும்.இதன் மூலம் நீண்ட காலத்தில் நல்ல லாபம் கிடைக்கும்.தவறு 3: சமீப காலத்தில் கிடைத்த வருமானத்தைப் பார்த்து முதலீடு செய்யக் கூடாது...சமீப காலத்தில் குறிப்பாக, கடந்த ஓராண்டில் மிக அதிக வருமானத்தைத் தந்திருக்கிறது என ஒரு இ.எல்.எஸ்.எஸ் ஃபண்ட் திட்டத்தைத் தேர்வு செய்யக் கூடாது. கடந்த 3, 5 மற்றும் 10 ஆண்டு களில் குறிப்பிட்ட ஃபண்ட் என்ன வருமானம் தந்திருக்கிறது, அதன் வருமான ஒப்பிட்டு பென்ச்மார்க்கைவிட அதிக வருமானம் தந்திருக்கிறதா என்பதைக் கவனித்து முதலீடு செய்வது சரி.தவறு 4: டிவிடெண்ட் ஆப்ஷனைத் தேர்வு செய்யக் கூடாது...இ.எல்.எஸ்.எஸ். ஃபண்டில் டிவிடெண்ட் ஆப்ஷனை இரு காரணங்களுக்காகத் தேர்வு செய்யக் கூடாது. முதல் காரணம், அதிக வருமான வரி கட்ட வேண்டி வரும். இரண்டாவது, பிற்பாடு குறைவான தொகையே கிடைக்கும். டிவிடெண்ட் ஆப்ஷனில் இடை இடையே டிவிடெண்ட் வழங்கப்படுவதால், ‘லாக்இன் பீரியட்’ முடிந்த பிறகு கிடைக்கும் தொகை குறைவாகவே இருக்கும்.தவறு 5: அதிக ஃபண்டுகளில் முதலீடு...இ.எல்.எஸ்.எஸ் ஃபண்டுகளில் குறைந்தபட்ச மொத்த முதலீடு மற்றும் எஸ்.ஐ.பி முதலீடு ரூ.500 ஆகும். ஒருவர் மாதம்தோறும் ரூ.5,000 வீதம் முதலீடு செய்ய நினைக்கிறார் எனில், அவர் அதிகபட்சம் 1 அல்லது 2 இ.எல்.எஸ்.எஸ் ஃபண்டுகளைத் தேர்வு செய்தால் போது, ரூ.500 வீதம் 10 ஃபண்டுகளில் முதலீடு செய்யக் கூடாது.அதிக எண்ணிக்கையில் ஃபண்ட் திட்டங்களைத் தேர்வு செய்தால், அவற்றைக் கண்காணிப்பது கடினம். இதனால் நம் லாபம் குறைவதற்கே நிறைய வாய்ப்பு இருக்கிறது. வரிச் சேமிப்பு பலனைத் தரும் இ.எல்.எஸ்.எஸ் ஃபண்டில் முதலீடு செய்யும்போது இந்த 5 தவறுகளை செய்யாமல் இருப்பதுடன், வரிச் சலுகைக்கான 'லாக் இன் பீரியட்' முடிந்தவுடன் பணத்தைத் திரும்ப எடுப்பதும் கூடாது. நீங்கள் முதலீடு செய்யும் இ.எல்.எஸ்.எஸ் ஃபண்ட் எத்தனை சதவிகிதம் லாபம் தருகிறது என்பதைக் கண்டறிந்து, அதன் அடிப்படையில் முதலீட்டைத் தொடர்ந்து வைத்திருக்கலாமா அல்லது எடுத்துவிடலாமா என்று முடிவு செய்ய வேண்டுமே தவிர, 'லாக்-இன் பீரியட்' முடிந்த ஒரே காணத்துக்காக பணத்தைத் திரும்ப எடுக்கக் கூடாது!

இ.எல்.எஸ்.எஸ் (ELSS) வரிச் சேமிப்பு ஃபண்ட் செய்யக்கூடாத 5 தவறுகள்.

எந்த முதலீட்டுத் திட்டமாக இருந்தாலும் அதில் உள்ள ரிஸ்க்கைப் புரிந்துகொண்டு, அந்த ரிஸ்க் நமக்கு ஏற்றதுதானா என்பதைப் புரிந்துகொண்டுதான் முதலீடு செய்யத் தொடங்க வேண்டும். இன்றைக்கு அதிக லாபம் தர வாய்ப்புள்ள முதலீடுகளில் முன்னணியில் இருக்கிறது மியூச்சுவல் ஃபண்ட். அதனால்தான், மியூச்சுவல் ஃபண்ட் திட்டங்களில் முதலீடு செய்யும் முதலீட்டாளர்களின் எண்ணிக்கை முன்பைவிட இப்போது அதிகரித்துள்ளது. இதில் சீரான முதலீட்டுத் திட்டம் (Systematic Investment Plan - SIP) என்று சொல்லப்படும் எஸ்.ஐ.பி முறையில் முதலீடு செய்து வருகிறவர்களின் எண்ணிக்கை தொடர்ந்து அதிகரித்து வருகிறது.எஸ்.ஐ.பி என்றால் என்ன?எஸ்ஐபி என்பது ஒவ்வொரு மாதமும் ஒரு குறிப்பிட்ட தேதியில் குறிப்பிட்ட அளவு பணத்தை குறிப்பிட்ட தேதியில் முதலீடு செய்யும் முறையை ஆகும். எஸ்.ஐ.பி முறையை பலரும் விரும்பி தேர்வு செய்வதற்கு முக்கியமான காரணம், அதிக லாபம் கிடைத்து வருவதே. அதாவது, நம் நாட்டின் சராசரிப் பணவீக்க விகிதம் 6%-7% எனில், பங்குச் சந்தை சார்ந்த மியூச்சுவல் ஃபண்ட் திட்டங்களில் எஸ்.ஐ.பி முறையின் மூலம் முதலீடு செய்யும்போது நீண்ட காலத்தில் ஆண்டுதோறும் சராசரி 12%-14% வருமானம் கிடைக்க வாய்ப்புகள் உள்ளன.எத்தனை ஆண்டுகள்...?எஸ்.ஐ.பி முறையில் எத்தனை ஆண்டுகளுக்கு முதலீடு செய்தால் அதிக லாபம் கிடைக்கும் என்கிற கேள்வியை நீங்கள் கேட்கலாம். மியூச்சுவல் ஃபண்ட் முதலீடு என்பதே நீண்ட காலத்துக்கானதுதான். மியூச்சுவல் ஃபண்டில் குறுகிய காலத்தில் முதலீடு செய்தால், அதன் மூலம் பெரிய அளவில் லாபம் கிடைக்க வாய்ப்பு இல்லை. மியூச்சுவல் ஃபண்டில் நீங்கள் எவ்வளவு காலத்துக்கு அதிகமான பணத்தை முதலீடு செய்து வைத்திருக்கிறீர்களோ, அந்த அளவுக்கு உங்களுக்கு அதிக லாபம் கிடைக்கும்.8 ஆண்டுகளுக்கு முதலீடு செய்தால்...?பங்குச் சந்தை சார்ந்த ஒரு ஃபண்ட் திட்டம் (மல்ட்டிகேப் ஃபண்ட் / ஃபிளெக்ஸி கேப் ஃபண்ட்) ஒன்றில் மாதம்தோறும் ரூ.5,000 வீதம் 8 ஆண்டுகள் முதலீடு செய்கிறீர்கள். அதற்கு ஆண்டுக்கு சராசரியாக 12% வருமானம் கிடைத்தால், 8 ஆண்டுகளில் நீங்கள் மொத்தம் ரூ.4.8 லட்சம் செலுத்தி இருப்பீர்கள். ஆனால், நீங்கள் முதலீடு செய்த பணம் ரூ.7.9 லட்சமாக அதிகரித்திருக்கும். அதாவது ரூ.3.10 லட்சம் உங்களுக்கு லாபமாகக் கிடைக்கும்.12 ஆண்டுகளுக்குத் தொடர்ந்தால்...?8 ஆண்டுகளுக்குப் பதிலாக, ரூ.5000 முதலீட்டை 12 ஆண்டுகளுக்குத் தொடர்ந்தால், நீங்கள் மொத்தம் ரூ.7.2 லட்சம் முதலீடு செய்திருப்பீர்கள். ஆனால், நீங்கள் முதலீடு செய்த பணம் ரூ.15.4 லட்சமாக அதிகரித்து இருக்கும். அதாவது. ரூ.8.2 லட்சம் உங்களுக்கு லாபமாகக் கிடைக்கும்.15 ஆண்டுகளுக்குத் தொடர்ந்தால்...?அதே முதலீட்டை 15 ஆண்டுகளுக்கு நீங்கள் தொடர்ந்தால், நீங்கள் மொத்த ரூ.9 லட்சம் முதலீடு செய்திருப்பீர்கள். ஆனால், நீங்கள் முதலீடு செய்த பணம் ரூ.23.8 லட்சமாக அதிகரித்திருக்கும். அதாவது ரூ.14.8 லட்சம் உங்களுக்கு லாபமாகக் கிடைக்கும்.நீண்ட காலத்தில்தான் அதிக லாபம்...ஆக, மியூச்சுவல் ஃபண்டில் நீண்ட காலத்துக்கு முதலீடு செய்தால் மட்டுமே அதிக லாபம் கிடைக்கும் என்பது உங்களுக்குத் தெளிவாகப் புரிகிறதா...? மியூச்சுவல் ஃபண்டில் நீங்கள் எவ்வளவு பணம் முதலீடு செய்கிறீர்கள் என்பதைவிட எவ்வளவு காலத்துக்கு முதலீடு செய்கிறீர்கள் என்பதுதான் முக்கியம் என்பதை முதலில் புரிந்துகொள்ளுங்கள்!

அதிக லாபம் பெற எஸ்.ஐ.பி முறையில் முதலீடு செய்யுங்கள்!

மியூச்சுவல் ஃபண்ட் தவறான நம்பிக்கைகளும், சரியான விளக்கங்களும்...!

நம் வாழ்க்கையில் ஒரு கோடி ரூபாயாவது சேர்க்க வேண்டும் என்கிற ஆசை யாருக்குத்தான் இல்லை...? ஆனால், நம் வாழ்வில் ஒரு கோடி ரூபாய் சேர்ப்பது என்பது சாத்தியமான விஷயமே! நம் வாழ்வில் ஒரு கோடி ரூபாய் சேர்க்க வேண்டும் எனில், பின்வரும் 6 விஷயங்களை அவசியம் கவனித்து செய்ய வேண்டும்.படி 1: முதலில் சேமிக்க வேண்டும்; பிறகு செலவு செய்ய வேண்டும்…நம்மில் பலர் 50,000 சேர்க்கிறோம் எனில், அதில் 48,000 செலவு செய்கிறோம். மீதமுள்ள பணத்தைத்தான் சேமிக்கிறோம். இதற்குப் பதில், வருமானத்தில் சேமிப்பு போக மீதமுள்ள பணத்தைச் செலவு செய்ய வேண்டும்.உதாரணமாக, 50,000 வருமானத்தில் 10 ஆயிரம் ரூபாயை நம்மால் முதலீடு செய்ய முடியும் எனில், அது போக மீதமுள்ள தொகையை மட்டுமே செலவு செய்ய வேண்டும். இப்போதுதான் நீங்கள் சம்பாதிக்க ஆரம்பித்துள்ளீர்கள் என்றால், 80% வீட்டுச் செலவுகள் என்றும், 10% நீண்ட கால சேமிப்புக்கும், 10% குறுகிய கால சேமிப்புக்கும் ஒதுக்கிவிடலாம். ஆனால், எவ்வளவு பணத்தை சேமிக்க/முதலீடு செய்யப் போகிறோம் என்பதை முதலில் முடிவு செய்துவிடுவது அவசியம். நீங்கள் கோடீஸ்வரர் ஆவது நீங்கள் சம்பாதிக்கிறீர்கள் என்பதைப் பொறுத்தல்ல. நீங்கள் எவ்வளவு சேமித்து, முதலீடு செய்கிறீர்கள் என்பதை பொறுத்தே அமையும்.படி 2: அவசர செலவுகளை சமாளிக்கத் தயாராக இருங்கள்…கோவிட் பெருந்தொற்று வந்து, வேலை இழப்பு, சம்பளம் குறைப்பு போன்ற நிறைய எதிர்பாராத சிக்கல்கள் தொடர்ந்து வந்துகொண்டுதான் இருக்கிறது. இதுபோன்ற எதிர்பாராத சிக்கல்கள் வரும்போது, அதைச் சமாளிக்கப் பலரும் கடன் வாங்கும் நிலையில்தான் இருக்கிறோம். எனவேதான், குறைந்தபட்சம் ஆறு மாதத்துக்கான செலவுத் தொகையை ஒரு ஃபிக்ஸட் டெபாசிட்டில், எமெர்ஜென்சி ஃபண்டாக வைத்துக்கொள்ளும் பழக்கத்தைக் கொண்டிருக்க வேண்டும். இது ஒவ்வொரு தனிநபர் நிதிநிலைக்கும் அவசியமாகும்.நீங்கள் ஒரு கம்பெனியில் வேலை பார்க்கிறீர் கள் என்றால், அந்தக் கம்பெனி ஒரு மருத்துவக் காப்பீடு அதிக கவரேஜ் தொகைக்குக் கொடுக்கிறது என்றால், நீங்கள் தனியாகப் பாலிசி எடுக்க வேண்டிய அவசியம் இல்லை. உடல் பிரச்னை என்பது யாருக்கும் எப்போது வேண்டுமானாலும் வரலாம். விபத்துகள் நடக்கலாம். இதுபோல நடக்கும்போது 75% பேர் கையில் இருந்துதான் பணத்தைச் செலவு செய்கிறார்கள். அதிலும் பலர் கடன் வாங்கிதான் செலவு செய்கிறார்கள். இதைத் தவிர்க்க மருத்துவக் காப்பீடு எடுப்பது அவசியமாகும்.ஒருவர் குடும்பத்தை வழி நடத்துபவராக இருந்தால், வாழும்போது குடும்பத்துக்குத் தேவையான அனைத்து தேவைகளையும் பூர்த்தி செய்துவிடுவார். துரதிர்ஷ்டவசமாக வருமானம் ஈட்டும் நபர் இல்லாமல் போகும் சூழ்நிலை வருகிறது எனில், குடும்பத்தைச் சேர்ந்தவர்களின் தேவைகள் என்ன ஆகும்? எப்படி சமாளிப்பார்கள். அதற்கு, குறைவான பிரீமியத்தில் அதிக கவரேஜ் வழங்கும் டேர்ம் லைஃப் இன்ஷூரன்ஸ் பாலிசியை எடுத்திருந்தால், குடும்பத்தினரின் நிதித் தேவைகள் சிக்கல் இல்லாமல் பூர்த்தியாகும்.படி 4: தெளிவான செலவுத் திட்டம் தேவை…நம்முடைய 50% பிரச்னைகள் எப்படித் தீரும் என்றால், உங்கள் வாழ்க்கையில் உங்களுக்கு என்ன வேண்டும் என்று நீங்கள் தெளிவாகத் தெரிந்துகொண்டால் போதும். நீண்ட காலத்தில் (Long term) என்ன வேண்டும், குறுகிய காலத்தில் (Short term) என்ன வேண்டும் என்பதைத் தெளிவாகப் பிரித்துக்கொள்ளுங்கள்.குறுகிய கால முதலீடு என்பது மூன்று வருடங்களுக்குள்ளானது. இதில் மொபைல் போன், கார், சுற்றுலா போன்றவை அடங்கும். இதற்கு வருடத்தின் செலவுகளில் 5%, 7% 10% என ஒரு தொகையைத் தீர்மானித்துவிட்டால், முடிவு எடுப்பது மிகவும் எளிதாகிவிடும்.அதேபோல, நீண்ட காலத் திட்டங்கள், ஓய்வுக்காலத் திட்டங்களில் நம் இலக்கு என்ன என்பதைத் தீர்மானிக்க வேண்டும். நான் ஓய்வு பெறும்போது சொந்த வீட்டில்தான் இருப்பேன். நான் 2040-ல் ஓய்வு பெறுவேன். அப்போது முதலீடுகள் மூலம் மாதம் 2 லட்சம் ரூபாய் வருமானம் வரும். இப்படி ஒரு தெளிவான திட்டம் இருந்தால், இன்றைக்கு நீங்கள் எவ்வளவு தொகை முதலீட்டுக்காக ஒதுக்க வேண்டும் என்பது தெளிவாகிவிடும்.எனக்கு ஒரு மகன் இருக்கிறான். அவன் இன்ஜினீயரிங் படிப்பதற்கு நானே அவனுக்குச் செலவு செய்வேன். ஆனால், அவன் வெளி நாட்டில் படிக்க முடிவெடுத்தால், அதற்கு என்னால் செலவு செய்ய முடியாது. ஸ்காலர்ஷிப் அல்லது கல்விக் கடன் வாங்கி தான் படிக்க வைப்பேன். இந்த மாதிரி முடிவைத் தெளிவாக எடுத்து, மகனிடமும் சொல்லிவிடுங்கள். இப்படிச் செய்வதன் மூலம் பல நேரங்களில் பணச் சிக்கலில் மாட்டிக் கொள்வதைத் தவிர்க்கலாம். ஆகையால், நீண்ட கால திட்டமிடலில், எனக்கு வேண்டியது என்ன, எதை என்னால் செய்ய முடியும், எது எனக்குக் கூடுதல் செலவு என்பதைத் தெளிவாக முடிவு செய்துவிட்டால் மிகவும் நல்லது.படி 5: எதைச் செய்யக் கூடாது என்பதில் தெளிவு…செல்வம் சேர்க்க முதலீடு செய்ய வேண்டும் தான். ஆனால், அதிக வருமானம் ஈட்ட எதையெல்லாம் செய்யக் கூடாது என்பதிலும் தெளிவு தேவை. தினசரி பங்கு வர்த்தகம், ஃப்யூச்சர்ஸ் அண்ட் ஆப்ஷன், கிரிப்டோகரன்சி வர்த்தகம் போன்றவற்றில் பலரும் பணத்தை அதிகமாக இழக்கிறார்கள். எனவே, இவற்றை எல்லாம் நாடாமல் இருப்பது மிகவும் நல்லது.

ரூ.1 கோடி சேர்க்க ஆசையா?

&nbsp;எந்தத் திட்டமாக இருந்தாலும் சரி, பணத்தை முதலீடு செய்வதற்குமுன் என்னென்ன விஷயங்களைக் கவனிக்க வேண்டும் என்பதை பார்ப்போம்1. கவர்ச்சிகரமான திட்டங்கள் வேண்டாம்…நம்மில் பலர் போதிய விழிப்புணர்வு இல்லாததால் கவர்ச்சிகரமான முதலீட்டுத் திட்டங்களில் சிக்கிக் கொள்கிறார்கள். இதை தவிர்க்க நிதி, முதலீடு குறித்த அடிப்படை விவரங்களை தெரிந்து வைத்திருப்பது அவசியமாகும்.அதிக வருமானம் கிடைக்கும்; அதிக வட்டி கிடைக்கும் என்றெல்லாம் சொன்னால், அது எப்படி சாத்தியம், நம்மிடம் வாங்கும் பணம் எந்தத் திட்டத்தில் போடப் போகிறார்கள் என்பதை எல்லாம் நன்கு கேட்டு, அவர்கள் சொல்வது சரியா என்பதை ஒன்றுக்கு பலமுறை விசாரித்தபின்பே பணத்தைப் போட வேண்டும்.2. எதிர்பாராத செலவுகளுக்கு அவசர கால நிதி அவசியம்…மனித வாழ்க்கையில் எப்போது வேண்டுமானாலும் எது வேண்டுமானாலும் நடக்கலாம். அந்த வகையில் எதிர்பாராத செலவுகளுக்குத் திட்டமிடுவது அவசியமாகும். திடீர் உடல் நலக்குறைவு, வேலை இழப்பு, விபத்து, அவசர செலவு போன்றவற்றை சமாளிக்க மாத செலவில் 3-6 மடங்கு தொகையை அவசரக் காலத் தொகையாக சேர்த்து வையுங்கள். அப்போதுதான் முதலீட்டை நீண்ட காலத்துக்கு நிம்மதியாக உங்களால் தொடர முடியும்.3. முதலீட்டு முடிவுகளில் அவசரம் வேண்டாமே!முதலீடு செய்யும்போது அவசரம் என்பது கட்டாயம் கூடாது. ஏதாவது ஒரு முதலீட்டை அவசரம் அவசரமாக செய்யும்போது தவறுகளையே செய்கிறோம். இதனால் நமக்கு நஷ்டமே வருகிறது. "பங்குச் சந்தை என்பது பொறுமை இல்லாதவர்களிடமிருந்து பொறுமை உள்ளவர்களுக்குப் பணம் கைமாறும் இடம்'' என்று வாரன் பஃபெட் சொல்லி இருப்பது கவனிக்கத்தக்கது. பங்குச் சந்தை மட்டுமல்ல, எந்த வகை முதலீடாக இருந்தாலும் அதைப் புரிந்துகொண்டு அவசரப்படாமல் நம்மால் பொறுமையாக இருக்க முடியும் எனில்,பெருமளவு நஷ்டத்தை நம்மால் தடுக்க முடியும்!4. நம்பகமான தகவல்களைத் தேடுங்கள்..!நிதி உலகில், தவறான தகவல்களுக்கும், வதந்திகளுக்கும், ஊக ஆலோசனைகளுக்கும் பஞ்சமில்லை. அவர் சொன்னார், இவர் சொன்னார் என்று ஏதாவது ஒன்றில் பணத்தைப் போட்டு இழப்பதற்கு பதிலாக, எதில் முதலீடு செய்யப் போகிறோம், அதில் உள்ள ரிஸ்க் என்ன, எவ்வளவு லாபம் கிடைக்கும் என்பதைக் குறித்தெல்லாம் நம்பகமான தகவல்களைத் தேடி அறிந்து, முதலீடு செய்வது அவசியம்.5. நீண்ட கால முதலீட்டுக்கு திட்டமிடுங்கள்..!உங்கள் இலக்குகள் என்னென்ன என்பதை நன்கு அறிந்துகொண்டு, அதற்கேற்ப நீண்ட கால முதலீட்டை மேற்கொள்வது அவசியமாகும். காலப்போக்கில் வளரக்கூடிய சொத்துகளாக பங்குச் சந்தை சார்ந்த முதலீடுகளான நிறுவனப் பங்குகள், பங்குச் சந்தை சார்ந்த மியூச்சுவல் ஃபண்ட் திட்டங்கள் உள்ளன. இவற்றில் குறுகிய காலத்தில் மூலதன மதிப்பு ஏற்ற இறக்கத்துக்கு உட்பட்டது; இது இயற்கையானதும் ஆகும். அந்த வகையில், இந்த முதலீடுகளில் ஏற்படும் குறுகிய கால இழப்புகள் பற்றி கவலைப்பட தேவையில்லை. நீண்ட கால முதலீட்டில் கவனம் செலுத்தினால் பணவீக்க விகிதத்தை விட அதிக வருமானத்தை பெற முடியும். ஆக, முதலீடு செய்யும்முன் இந்த ஐந்து விஷயங்களையும் மனதில் கொண்டு செயல்பட்டால், உங்களால் நீண்ட காலத்தில் பணவீக்கத்தைத் தாண்டிய வருமானத்தைப் பெற முடியும் என்பது நிச்சயம்!

முதலீடு செய்யும்முன் கவனிக்க வேண்டிய 5 விஷயங்கள்…

ஒரு உதாரணத்தின் மூலம் இதைப் பார்ப்போம்.பாலகிருஷ்ணனுக்கு கவிதா, ராஜேஷ், அர்ஜுன் என 3 பிள்ளைகள். 3 பிள்ளைகளுக்கும் பிறந்த நாள் அன்று ரூ.50,000 தருவதாகவும், அதை முதலீடு செய்து, 65 வயது வரை வைத்திருக்க வேண்டும் என்று நிபந்தனையும் விதித்தார். மூவரும் ஒகே என்றனர்.கவிதா - 20-வது பிறந்த நாள் முதல் 28-வது பிறந்த நாள் வரை முதலீடு செய்துவிட்டு, அடுத்தடுத்த ஆண்டுகளில் கிடைத்த பணத்தை இஷ்டம் போல செலவு செய்தார்.ராஜேஷ் - 20 முதல் 27-வது பிறந்தநாள் வரை கிடைத்த பணத்தை செலவு செய்துவிட்டு, 28-வது பிறந்த நாள் முதல் முதலீடு செய்யத் தொடங்கி, 36-வது பிறந்த நாள் வரை முதலீடு செய்தார். அடுத்தடுத்த ஆண்டுகளில் கிடைத்த பணத்தை இஷ்டம் போல செலவு செய்தார்அர்ஜுன் - 20 முதல் 27-வது பிறந்தநாள் வரை கிடைத்த பணத்தை செலவு செய்துவிட்டு, 28-வது வயதில் தொடங்கி, 65 வயது வரை தொடர்ந்து முதலீடு செய்தார்.இப்படி செய்தபின், 65 வயதில் யாருக்கு அதிக பணம் கிடைக்கும், அர்ஜுனுக்கா, ராஜேஷுக்கா, கவிதாவுக்கா?அர்ஜுன் முதலீடு செய்த தொகை ரூ.19,00,000. அவர் செய்த முதலீட்டுக்குக் கிடைத்த லாபம் 12%. அவருக்குத் திரும்பக் கிடைக்கும் தொகை ரூ.3.05 கோடி.ராஜேஷ் முதலீடு செய்த தொகை ரூ.4,50,000. அவர் செய்த முதலீட்டுக்குக் கிடைத்த லாபம் 12%. அவருக்குத் திரும்பக் கிடைக்கும் தொகை ரூ.1.98 கோடி.கவிதா முதலீடு செய்த தொகை ரூ.4,50,000. அவர் செய்த முதலீட்டுக்குக் கிடைத்த லாபம் 12%. அவருக்குத் திரும்பக் கிடைக்கும் தொகை ரூ.4.89 கோடி.முதலீடு செய்த தொகை குறைவாக இருந்தாலும் நீண்ட காலத்துக்கு முதலீடு செய்தால், அதிக லாபம் கிடைக்கும் என்பதே பவர் ஆஃப் காம்பவுண்டிங்...<ul><li>‘லாபம்’ மூலம் மியூச்சுவல் ஃபண்டில் முதலீட்டைத் தொடங்க:</li><li><ins><a href="https://api.whatsapp.com/send/?phone=919003365616&amp;text=Hi&amp;type=phone_number&amp;app_absent=0">bit.ly/labham-money&nbsp;</a></ins>லிங்க் க்ளிக் செய்து எங்களின் வாட்ஸ் அப் எண்ணுக்கு ‘Hi’ என்று மெசேஜ் செய்யவும்.</li><li>அல்லது, ஃபோனில் அழைக்கவும்<ins><a href="tel:96002 96001">96002 96001</a></ins></li><li>அல்லது நேரடியாக முதலீட்டைத் தொடங்க,<ins><a href="https://my.labham.money/app/#/login">my.labham.money&nbsp;</a></ins>பேஜில் லாகின் செய்யவும்.</li></ul>